اسلام آباد۔10ستمبر (اے پی پی):ملک سے پھلوں اورسبزیوں کی برآمدات میں جولائی کے دوران سالانہ بنیادوں پراضافہ ریکارڈکیاگیاہے۔

سٹیٹ بینک اورپاکستان بیوروبرائے شماریات کے اعدادوشمارکے مطابق جولائی میں پھلوں کی برآمدات سے ملک کو37.38 ملین ڈالرکازرمبادلہ حاصل ہواجوجولائی 2022 کے مطابلہ میں 32 فیصدزیادہ ہے، گزشتہ سال جولائی میں پھلوں کی برآمدات سے ملک کو28.39 ملین ڈالرکازرمبادلہ حاصل ہواتھا، جون کے مقابلہ میں جولائی میں پھلوں کی برآمدات میں ماہانہ بنیادوں پر بھی اضافہ ہواہے، جون میں پھلوں کی برآمدات کاحجم 31.61 ملین ڈالرریکارڈکیاگیا جوجولائی میں بڑھ کر37.38 ملین ڈالرہوگیا۔

مالی سال 2023 میں پھلوں کی برآمدات سے ملک کو232.30 ملین ڈالرکازرمبادلہ حاصل ہواجومالی سال 2022 میں 398.87 ملین ڈالرتھا۔

اعدادوشمارکے مطابق جاری مالی سال کے پہلے ماہ میں سبزیوں کی برآمدات کا حجم16.59 ملین ڈالرریکارڈکیاگیا جوگزشتہ سال جولائی کے مقابلہ میں 9.29 فیصدزیادہ ہے،جولائی 2022 میں سبزیوں کی برآمدات کاحجم 15.18 ملین ڈالرریکارڈکیاگیاتھا۔

جون کے مقابلہ میں جولائی میں سبزیوں کی برآمدات میں ماہانہ بنیادوں پراضافہ ہوا، جون میں سبزیوں کی برآمدات کاحجم 14.75 ملین ڈالرریکارڈکیاگیا، مالی سال 2023 میں سبزیوں کی برآمدات سے ملک کو172.34 ملین ڈالرکازرمبادلہ حاصل ہواجومالی سال 2022 میں 255.15 ملین ڈالرتھا۔

اسلام آباد۔30اگست (اے پی پی):گواوادر بندرگاہ وسط ایشیا کے لیے نہایت اہمیت کا حامل منصوبہ ہے،چین ۔ پاکستان اقتصادی راہداری وسطی ایشیائی ممالک کی سماجی و اقتصادی ترقی کے لئے کئی مواقع فراہم کرتا ہے۔سی پیک اتھارٹی حکام کے مطابق سی پیک کے تحت تیار کیے جانے والے پاکستان کے گوادر بندرگاہ کی مدد سے وسط ایشیائی ممالک علاقائی تجارت اور رابطہ کاری کو زیادہ سے زیادہ فروغ دے سکتے ہیں۔

پاکستان کے جنوب مغرب میں گوادر پورٹ ایک اہم لاجسٹک ، تجارت ، ابھرتی ہوئی صنعتوں ، سائنس اور ٹیکنالوجی ، ثقافت اور تعلیم کا مرکز بننے کی جانب گامزن ہے۔اس وقت گوادر پورٹ کی ترقی نہ صرف بلوچستان بلکہ مجموعی طور پر پاکستان کی معاشی ترقی کو فروغ دے رہی ہے۔ گوادر بندرگاہ افغانستان ، تاجکستان اور وسطی ایشیا کے دیگر ممالک کے لئے قریب ترین سمندری بندرگاہ، علاقائی لاجسٹکس اور شپنگ سنٹربن جائے گا۔ حکام نے بتایا کہ چین پاکستان اقتصادی راہداری (سی پیک) کے تحت گوادرمیں اہم منصوبوںمیں گوادر پورٹ کی اپ گریڈیشن ،ایکسپریس وے ،گوادر اانٹر نیشنل ائیر پورٹ اورگوادر فری زون و پورٹ ڈیویلپمنٹ سمیت مختلف منصوبوں پر کام تیزی سے جاری ہے ۔

وفاقی حکومت نے رواں مالی سال کے دوران چین پاکستان اقتصادی راہداری کےلئے سرکاری شعبہ کے ترقیاتی پروگرام خطےر رقم مختص کیا ہے،حکومت مالی سال کے بجٹ میں چین پاکستان اقتصادی راہداری کے منصوبے کو خصوصی اہمیت دے رہی ہے تاکہ اس کی تکمیل سے ملک کی اقتصادی اور معاشی ترقی اور خوشحالی کے اہداف میں مدد حاصل کی جاسکے۔گوادر بندرگاہ کی استطاعت بڑھانے کیلئے گوادر اپ گریڈیشن منصو بے

جس میں موجودہ کثیر المقاصد ٹرمینل کی توسیع اور ایسٹ بے ایکسپریس وے،گوادر ایئر پورٹ پر کام تیز کرنے کیساتھ ساتھ گوادر میں واٹر سپلائی سکیم پر فوری کام شروع کرنے پر اتفاق کیا گیا گوادر شہر کو منصوبہ بندی کے تحت تعمیر کرنے کیلئے گوادرماسٹرپلان کو مکمل کرنے کی ہدایت کی گئی ، گوادرمیں تین سو میگا واٹ بجلی منصوبے پر کام جاری ہے ،

بجلی کی ضرورت پوری کرنے کیلئے کوئلے سے چلنے والا منصوبہ 2022 میں مکمل ہوگا ۔گوادر فری زون و پورٹ ڈویلپمنٹ کے مختلف منصوبوں اور گوادر ووکیشنل انسٹی ٹیوٹ کے تعمیراتی کام کو مزید تیز کرنے کا فیصلہ کیا گیا،گوادر فری زون میں سرمایہ کاری کا سلسلہ شروع ہوگیا ہے جہاں سٹیل ، پٹروکیمیکلز و دیگر صنعتوں کے قیام پر کام شروع ہوگیا ہے۔ ان منصوبوں کی تکمیل سے نہ صرف مقامی لوگوں ک وروزگا ر کے مواقع میسرآئیگی اور ملکی برآمدات میں اس سے خاطر خواہ اضافہ ہوگا

اسلام آباد۔14اگست (اے پی پی):ملک میں بڑی صنعتوں کی پیداوارمیں گزشتہ مالی سال کے دوران 14.85 فیصد کا نمایاں اضافہ ریکارڈکیاگیاہے جس سے کوویڈ۔19 کی عالمگیروباکے تناظرمیں اقتصادی بحالی اورمعاشی نمو کی عکاسی ہورہی ہے۔پاکستان بیوروبرائے شماریات کی جانب سے اس حوالہ سے جاری کردہ اعدادوشمارکے مطابق مئی 2021 کے مقابلہ میں جون کے مہینہ میں ملک میں بڑی صنعتوں کی پیداوار میں 4.36 فیصد کی شرح سے نمو ریکارڈکی گئی ہے جبکہ جون 2020 کے مقابلہ میں ملک میں بڑی صنعتوں کی پیداوارمیں 18.42 فیصد کی شرح سے نمو ہوئی ہے۔

اعدادوشمارکے مطابق گزشتہ مالی سال میں پیوستہ مالی سال کے مقابلہ میں ٹیکسٹائل کے شعبہ میں 3.98 فیصد، خوراک، مشروبات وتمباکو 2.38 فیصد، کوک و پیٹرولیم مصنوعات 0.96 فیصد، فارما 1.01 فیصد، کیمکلز 0.48 فیصد، غیردھاتی معدنی مصنوعات 3.31 فیصد، آٹوموبائل 2.17 فیصد، آئرن اینڈسٹیل 0.58 فیصد، کھادیں 0.47 فیصد اورپیپر اینڈ بورڈ کی پیداوارمیں 0.13 فیصد کی نموریکارڈکی گئی ہے۔اس کے برعکس الیکٹرانکس کی پیداوارمیں 0.14 فیصد، لیدرمصنوعات 0.37 فیصدانجنئیرنگ مصنوعات 0.03 فیصد اور ربڑ کی مصنوعات کی پیداوارمیں 0.08 فیصد کی کمی ریکارڈکی گئی ہے۔