(اے پی پی):پانچویں بین الاقوامی پاکستان آرمی ٹیم سپرٹ مقابلے نیشنل کاؤنٹر ٹیررازم سینٹر میں شروع ہو گئے۔ پاکستان آرمی کی 8 ٹیمیں اور 8 بین الاقوامی ملٹری ٹیمیں مقابلوں میں شرکت کے لیے پہنچ گئی ہیں۔
پاک فوج کے شعبہ تعلقات عامہ کے مطابق بین الاقوامی ملٹری ٹیموں میں اردن، کینیا، سعودی عرب، مراکش، نیپال، سری لنکا، ترکی اور ازبکستان کی ٹیمیں شامل ہیں۔
تین دن تک جاری رہنے والے مقابلے کو انتہائی چیلنجنگ ریئل ٹائم فیلڈ منظرناموں کے تحت حکمت عملی کی مہارت، برداشت اور سپاہیوں کے ردعمل کو جانچنے کے لیے ڈیزائن کیا گیا ہے۔
