گلگت بلتستان کے وزیراعلی حافظ حفیظ الرحمن نے کہا ہے کہ نلتر ماسٹر پلان پاک فضائیہ کے تعاون سے وضع کیا جائے گا۔ گلگت میں ائر مارشل جواد سعید سے گفتگو کرتے ہوئے انہوں نے گلگت میں پہلی بار پاک فضائیہ کا سلیکشن سنٹر قائم کرنے اور سالانہ بنیادوں پر خطے میں عالمی میراتھن دوڑ کیمقابلوں کے انعقاد کو سراہا۔ وزیراعلی نے یقین دلایا کہ حکومت نلتر کا ماسٹر پلان وضع کرنے کیلئے پاک فضائیہ سے ہر ممکن تعاون کرے گی۔
