قومی اسکواڈ بنگلہ دیش پہنچ گیا۔ دبئی میں ٹیم کے ہمراہ موجود پاکستان کرکٹ بورڈ کے میڈیا منیجر نے ہفتہ کو بتایا کہ قومی کرکٹ ٹیم کا اسکواڈ گذشتہ شب 1:45 بجے دبئی سے بنگلہ دیش روانہ ہوا تھا۔ انہوں نے مزید بتایا کہ اسکواڈ کو جوائن کرنے کے لئے افتخار احمد بھی جمعہ کی سہ پہر 3 بجے بنگلہ دیش پہنچ گئے تھے اسکواڈ بنگلہ دیش میں1روز قرنطینہ کے بعد ٹریننگ سیشن کا آغاز کرے گا۔
میڈیا منیجر کے مطابق کپتان بابر اعظم اور شعیب ملک 16 نومبر کو ڈھاکہ میں اسکواڈ کو جوائن کریں گے۔ پاکستان اور بنگلہ دیش کے مابین 3ٹی ٹونٹی اور 2ٹیسٹ میچز پر مشتمل سیریز 19 نومبر کو شروع ہوگی۔ یاد رہے کہ پاکستان کرکٹ ٹیم یونائیٹڈ عرب امارات (یوایای)میں آئی سی سی مینز ٹی ٹوئنٹی ورلڈ کپ 2021 میں شرکت کے بعد بنگلہ دیش پہنچا ہے۔
ورلڈکپ میں ٹیم نے شاندار کارکردگی کا مظاہرہ کرتے ہوئے اپنے تمام میچز میں کامیابی حاصل کی اور بھارت، نیوزی لینڈ، افغانستان، اسکاٹ لینڈ اور نمیبیا کو شکست دے کر 10 پوانٹس حاصل کئے تاہم اسے سیمی فائنل میں آسٹریلیا کے خلاف شکست کا سامنا کرنا پڑا۔
