جموں وکشمیر لبریشن فرنٹ کے رہنما یاسین ملک کی اہلیہ مشال حسین ملک نے اسلام آباد میں جاری ایک بیان میں کہا کہ بپن راوت آر ایس ایس کے کارکن اور مودی کے قریبی ساتھی تھے، جو مسلمانوں کے خلاف اپنی بربریت اور متعصبانہ رویے کے لیے بدنام تھے۔انہوں نے کہا، مودی کے ہندوستان میں مسلمانوں اور دیگر اقلیتوں کے خلاف نفرت انگیز جرائم میں خطرناک حد تک اضافہ ہوا ہے، کیونکہ انتہائی دائیں بازو کے ہندو رہنما کھلے عام مسلمانوں کی نسل کشی کا مطالبہ کر رہے ہیں۔مشال ملک نے کہا کہ یہ ہندو رہنما رانوت سے متاثر تھے، جو کشمیریوں کو بھارتی ظلم کے خلاف مزاحمت کرنے پر جان سے مارنے کی دھمکیاں دیتے تھے اور کشمیریوں کے بارے میں ان کے تبصرے کشمیریوں کے خلاف ان کے تعصب کو ظاہر کرتے تھے۔
