ٹیکنالوجی
ایپل نے آئی فون 11 اور سیریز 5 واچ متعارف کروا دی
مشہور ٹیکنالوجی کمپنی ایپل نے آئی فون 11 کے مختلف ماڈلز متعارف کروا دیے ہیں جن میں پہلے سے زیادہ کیمرے ہیں اور اس کا جدیدیت سے ہم آہنگ پروسیسر کم پاور استعمال کرتے ہوئے تیز رفتاری سے کام کرتا ہے۔
کمپنی کا کہنا ہے آئی فون 10 پرو کے دو نئے ماڈلز کی بیٹری پرانے ماڈلز کی نسبت چار سے پانچ گھنٹے زیادہ کام کرے گی۔
ایپل نے فائیو جی ماڈل لانچ نہیں کیا ہے جبکہ کچھ لوگوں کا کہنا ہے کہ چند دوسرے فیچر مسنگ ہیں۔ ایپل نے سمارٹ واچ کا نیا ورژن بھی متعارف کروایا ہے جس میں پہلی مرتبہ ‘ہر وقت آن رہے والا’ فیچر دیا گیا ہے۔
سیریز فائیو واچ کے بارے میں کہا گیا ہے کہ اس کی بیٹری لائف 18 گھنٹے ہو گی۔
گھڑی میں کمپاس کا آپشن بھی ہے اور اس کے ساتھ ساتھ ٹائٹینیم کیسنگ کا بھی۔ یہ گھڑی پہننے والے کو اس کے ارد گرد شور کا لیول خطرے کی حد تک بڑھنے کی صورت میں آگاہ بھی کرے گی۔
ایپل کا کہنا ہے کہ وہ آئی فون سیریز 3 ماڈل کو فی الحال مارکیٹ میں ہی رکھے گا اور اس کی قیمت 199 امریکی ڈالر کے لگ بھگ ہو گی۔
تجزیہ کار پیٹرک مورہیڈ کا کہنا ہے کہ ‘مجھے ایپل کی صحت اور حفاظت سے متعلق صلاحیتوں کے فروغ سے پیار ہے مگر بتائے گئے فیچرز کو نہ دیکھ کر میں مایوس ہوا ہوں۔’
ریسرچ فرم آئی ڈی سی کے مطابق ایپل کا اس وقت عالمی سمارٹ واچ مارکیٹ میں حصہ 49 فیصد ہے۔
کیمرے کی خصوصیات
نئے آئی فون ماڈلز میں قابل ذکر چیز ‘الٹرا وائیڈ’ ریئر کیمرا ہے جس کا آپٹیکل زوم دو سو فیصد ہے۔
پرو ماڈلز میں ٹیلی فوٹو اور نارمل لینزز کو برقرار رکھا گیا ہے جبکہ کہ آئی فون 11 میں صرف ایک الٹرا وائیڈ لینز اور سٹینڈرڈ لینز ہے۔
ایپل نے نیا نائٹ موڈ فیچر بھی متعارف کروایا ہے جو تصویر کو ضرورت پڑنے پر زیادہ روشن کر دیتا ہے جبکہ ایسے کرتے ہوئے پیدا ہونے والے ڈیجیٹل شور کو کم کرنے کے صلاحیت بھی ہو گی۔ اس سے قبل گوگل، سیم سنگ اور ہواوئے اپنے ہینڈ سیٹس میں پہلے ہی اس سے ملتے جلتے فیچرز متعارف کروا چکے ہیں۔
ڈیپ فیوژن نامی ایک نئی سہولت بھی دی گئی ہے۔ یہ بیک وقت نو تصاویر لے کر ان کو پکسل بائی پکسل جوڑتے ہوئے بہترین تصویر دینے کی صلاحیت رکھتی ہے۔ ابتدا میں یہ سہولت دستیاب نہیں ہو گی تاہم سال کے اختتام سے قبل ایک سافٹ ویئر کے ذریعے اسے میسر کر دیا جائے گا۔
دیگر نئی سہولیات میں فرنٹ کیمرا کے ساتھ سلو موشن ویڈیوز شوٹ کرنے کی صلاحیت بھی شامل ہے۔ ہینڈ سیٹس کا پروسیسر بھی اپ گریڈ کیا گیا ہے۔
ایپل نے کہنا ہے کہ اس کا سینٹرل پروسیسنگ یونٹ اور گرافک پروسیسنگ یونٹ اینڈرائڈ فونز کے مقابلے میں زیادہ طاقت ور ہیں۔ اسی طرح اعدادوشمار کے بہتر حساب کتاب کے لیے چپ کو بہتر کیا گیا ہے۔
آئی فون 11 اس سے پہلے آنے والے ایکس آر سے کچھ سستا ہے اور برطانیہ میں اس کی قیمت 729 پاؤنڈ سے لے کر 879 پاؤنڈ تک ہو گی۔ آئی فون 11 کے پرو ماڈلز اس سے پیشتر آنے والے ایکس ایس سے زیادہ مہنگے ہیں اور ان کی قیمت 1049 پاؤنڈ سے 1499 پاؤنڈز تک ہو گیا۔
یہ تمام ماڈلز آئندہ دس روز کے اندر مارکیٹ میں فروخت کے لیے دستیاب ہوں گے۔
پاکستان
پاکستان زرعی تحقیقاتی کونسل اور خوازہونگ زرعی یونیورسٹی، عوامی جمہوریہ چین کے مابین زرعی تحقیق میں تعاون کا معاہدہ۔
ڈاکٹر علامہ محمد اقبال کو خراج تحسین پیش کرنے کیلئے آج ان کی 86ویں برسی منائی جارہی ہے
ایک قوم، ایک ساتھ | پاکستان زندہ باد | یوم پاکستان ملی نغمہ | 23 مارچ 2024 |
قوم کل یوم پاکستان منائے گی
پاکستان زرعی تحقیقاتی کونسل اور خوازہونگ زرعی یونیورسٹی، عوامی جمہوریہ چین کے مابین زرعی تحقیق میں تعاون کا معاہدہ۔
قوم آج علامہ اقبال کا 146 واں یوم پیدائش عقیدت واحترام سےمنارہی ہے
سری لنکا کے خلاف سیریز کے لیے 20 کھلاڑیوں کا اعلان
پی سی بی نے مصباح الحق کو 3 سال کےلئے قومی کرکٹ ٹیم کا ہیڈ کوچ مقرر کردیا
New Season 8 Walking Dead trailer flashes forward in time
Mod turns ‘Counter-Strike’ into a ‘Tekken’ clone with fighting chickens
Meet Superman’s grandfather in new trailer for Krypton
