استنبول میں بین الاقوامی آٹونمائش میں شرکت کی خواہش مند کمپنیوں سے درخواستیں طلب

اسلام آباد۔18اکتوبر (اے پی پی):ٹریڈ ڈولپمنٹ اتھارٹی آف پاکستان (ٹڈاپ) نے ترکی کے شہراستنبول میں بین الاقوامی آٹونمائش آٹومیکینیکا2021 میں شرکت کی خواہش مند کمپنیوں سے 6 نومبرتک درخواستیں طلب کی ہے۔اتھارٹی کے ترجمان نے بتایا کہ یہ نمائش 8 اپریل سے لیکر11 اپریل 2021 کومنعقدہوگی۔ترجمان نے بتایا کہ نمایش میں شریک کمپنیوں کورعایتی نرخوں پرسٹالز فراہم کئے جائیں گے۔ اس نمائش میں آٹوپارٹس، ٹائرز، مرمت سے متعلق آلات اورلبریکینٹس مصنوعات بین الاقوامی خریداروں کے سامنے پیش کئے جاسکیں گی۔سال 2019 میں منعقدہ نمائش میں 38 ممالک کے 1400 کمپنیوں اورفرمز نے اس نمائش میں شرکت کی تھیں۔پاکستان سے بھی اس نمائش میں درجنوں کمپنیوں نے شرکت کی تھیں۔ آئندہ سال ہونے والی اس نمائش میں 16 سے زیادہ ممالک کی شرکت متوقع ہے۔